اخبار جديده

1
اهم الاخبار هو اني نجحت اه والله نجحت هو انا الاول مكنتش مصدقه زيكم بس يالا هو موضوع النجاح نضيف ده صعب شويه في تاريخ
2
انا كنت في مطروح اسبوع مطروح زي ما هي جامده وجميله جدا بس الاسبوع كان خنيق مش عارفه ايه السبب الرئيسي يالا مش مهم المهم انى جيت بالسلامه
3
عندي موضوع بفكر فيه محيرني جدا بين الاه والا ايه رايكم
4
شريط عمرو جامد وشريط تامر في شويه اغاني حلوه
بسسسسسسسسسسسسسسسسسسسسسسسسسسسسسسسس

هي

1
ظلت تحلم وتحلم حتى باتت تكره الواقع باتت تكره الاستيقاظ باتت لا تطيق الحياه الشعوريه باتت تحبه هو الا وعي فهو يبحث عما تتمناه في داخلها ويحوله لاحلام تعيشها هي وتستمتع بها

2
تخفي ما في داخلها عن اقرب الناس اليها هيهات يظن البعض انهم ربما مقربون منها لكن في الحقيقه هم بعيدين كل البعض عنها وان كانو مقربون فهم مقربون من شخصيه ليست حقيقيه شخصيه وهميه مصطنعه تصنعها هى لنفسها وتضفي عليها بعض القوه بل كثير من القوه وليس هناك من يعرف عن الالامها ومعاناتها شيئ لانها لن تسمح لاحد ان يرى ضعفها
تبكي كثيرا ولكن تجف دموعها سريعا لاتحب ان يراها احد بل لا تحب ان تشعر هي بدموعها على خديها تكره هذا الاحساس تظهر قويه صاحبة راي وكلمه مسموعه ولكنها ضعيفه وهنه
3
هناك دائما من يقهرها من يظلمها من يتمنى تحطيمها من يريدها مهشمه من يكره نجاحها من يكره تألقها لا يستطيعون هؤلاء اخفاء ذلك حتى هي تعرف ذلك تراه في عيونهم
لا تحب ان تشعرهم انها تفهمهم وتفهم امنياتهم تحب ان تظهر غبيه تستمر في التعامل الطبيعي تتقرب منهم اكتر لكي يحبوها تتمنى ان يحبوها تستطيع التصدي لكل الناس الا هم لا تستطيع التصدي لهم فهم يحاولون تحطيمها وهي تحاول التقرب منهم المعادله صعبه
4
لا تعرف كيف ولكنها تشعر بالوحده والانعزال كانت تستطيع العيش بأقل من ذلك بل وترضى به مقابل ان تشعر بالحب والحنان تحس داخلها مخزون من الحب والحنان ولكن فاقد الشيئ لا يعطيه هل مازال في استطاعتها ان تعطي حبا وحنانا ام ان الاحساس بالظلم حطمها
هل تحول الشعور بداخلها الي حقد وكره هلى باتت تحقد على الاخرين لا لم يحدث ذلك لن تسمح بحدوثه لن تسمح لاحد ان يجعلها معقده نفسيه
5
حتى ولو كانت تشعر انها وحيده حتى وان لم تجد بجانبها احد فهي تعلم بوجوده بجانبها تلجأ اليه هو من لم تسطيع ان تخفي عنه شيئا هو من لم تستطيع ان تخفي حقيقتها امامه هو وحده يعلم مواضع قوتها وضعفها هو من تسطيع ان تشكي له تريده يسمعها لا يرفضها مهما اذنبت في حقه تعرف ذلك جيد ترى اشاراته كثيرا تعرف انه معها تعرف ان هذه الاشارات لها
تراه حولها في كل شيئ تراه في كل وقت تطلب منه احيانا الكثير احيانا تخجل ان تطلب منه ان يخفف عنها تشعر ان مهما ما كانت تعانيه هو لا شيئ اما الكثير لتشكره عليه
تريد ان تتحمل هذه الاعباء بدون كلل او ملل لربما كان هذا مجرد اختبار لقوة تحملها هلى ترسب بها ام تصبر وتتحمل هي مصره انت تثبت انها ستصبر وتصبر فهي من يقول دائما ان ما يريده هو الخير دائما هي من تثق في اختياراته حتى اذا اهلكها واوهنها الظلم تظل صامده قويه لا يظهر عليها الا القوه والثقه مما يجعل الكثير يتعجب كيف تتحمل كل ذلك ؟ كيف تسطيع ان تحتفظ بكل هذه القوه رغم كل ذلك
لا يفهمها احد ولن يفهما لا يفهمها غيره لذلك تحب دائما ان تناجيه "ربي"
هو رب كل الناس لكننى احبه فهو "ربي " انا

عندما احلم !!!!!!!!

عندما احلم لابد من تفسير حلمى............فان لم استطع فلماذا احلم

عندما احلم لابد من تحقيق حلمى ..........فان لم استطع فلماذا احلم ايضا

عندما اغضب لابد مت تنفيث غضبي .......فان لم استطع فلماذا اغضب

عندما اضحك لابد من سبب لضحكى....فان لم اجد فلا داعى لضحكى

وعندما اشعر بالسعادةلابد ان يشعر بها من حولى .........والا فكيف اشعر بسعادة في ظل حزن الاخرين

وعندما احس بالكآبة لابد ان اشعر بها وحدى.......والا فكيف اشعر بها في ظل كآبة الاخرين

وعندما ابكى لابد ان اكون وحدي..............فلن استطيع البكاء امام احد

وعندما ارقص لابد ان اكون مع اصدقائي........والا فما نفع الرقص

وعندما اغنى لابد ايضا ان اسمع صدا اصدقائي .........والا فاين متعة الغناء

وعندما احب لابد ان احبك انت ........والا فلن استطيع ان احب

زى القمر وزى العسل
بموت فيكي
miss my friends
فنان اللي واخد الصوره دي

مش فاضل غيرك

طول عمرك مش فارق معاك حد.....
طول عمرك مش فارق معاك حاجه.....
مشهور انت بجفائك وكلنا كنا عارفين.....
ناس كتير بيقولو انك ادلعت كتير وده اللي عمل فيك كده هو دة اللي خلاك متعرفش ترتب اولوياتك او مسؤلياتك وصلت لحد 24 سنه مش عارف انت هتبدا منين ولا هتبدا بايه كل ده خلاك كل اللي بتفكر فيه اقرب رحله انت رايحها امتى ماركة البس نوع البرفن الساعه .......
عارف اكتر حاجه طول عمري بحبها فيك انك واثق في نفسك جدا ومش بيهم راي اي حد طبعا حاجه مهمة انك زي طموح جدا بس الفرق اللي بينا انى بعمل حاجة عشان اوصل للي انا عايزاه وانت لا ده جزء من ثقتك بنفسك.....
كلنا وكل الناس بتخاف من المستقبل لكن انت لا ساعات كنت بشوفها مش شطاره منك على قد ماهي استهتار بالمستقبل واللى مخبيه
كتير كنت بستغرب شخصيه زيك بتحب البحر بالشكل ده وبتقعد تحت الموج كل ده ازاى مش خايف من موج الدنيا
كتير بقى ويمكن انا اكتر واحد قولتلك بلاش تتعصب على ماما حرام يابنى وكان ردك اللي انت حافظه(يابنتى والله هى اللي بتعصبني يعنى انا اكيد مش بيبقى قصدي اقولها حاجه تزعلها)
الكل بيشتكى منك بس الناس في الشارع بتحلف بيك اهالي اصحابك بيحلفو باخلاقك وبكلامك كان نفسنا نشوف كل ده بس مكنش في مكنش موجود منك اى حنان انا عارفه انى في حب لينا بس مداري ومداري اوي كمان.......
بس سيبك انت من كل ده تعرف انك ابهرتني وانت في المطار ولااول مره وحصريا بحس ان ايه ده مهما ان كان انا ازاى هنعيش 3 بنات كده من غيره ايه ده رايح فين احنا ازاى وافقيناه على الفكره العجيبة مهو رايح يعمل المستقبل مستقبل الدمعه اللى كنت طول اليوم مخبيها وفي الاخر مقدرتش حلفتنا كلنا انك مش بتحب الموقف ده لكن انت اللى عملتها احساسك بالخوف انك مهما كنت بتعمل بس كنت هنا معاهم وفي حضنهم عارف كمان حسيت ايه حسيت ان يالله ده مش رايح شرم 5 ايام ولا هيقعد في زمرده شهر شغل ده خارج من البلد
الكلام اللي سمعته بعد ما الطياره طلعت
ماما: هو احنا غلطنا ولا ايه
بابا:ازاى نسيبه يمشي من وسطنا
كل اللي يعرف ربنا يسهله
ومر اول يومين منتهى الزهق
اليوم التالت حاجه غريبه مدخلتش اوضتك قولتلك حماده لو هتنام طفي التليفزيون عشان حرام يفضل طول الليل وردك انت انا مش بعرف انام غير على صوته كمان مش هقول كده عشان محدش هيولع التليفزيون
اليوم الرابع مش هقولك كفايه لعب بقى عايزة افتح نت برده مش هقول عشان محدش بيلعب اصلا
اليوم الخامس محدش هيقولى اتعلمى لعبه الكورة عشان تلعبي معايا بالدراعات
اليوم السادس مش هقول لا ماليش دعوه ما تحط هدومك في الغساله انا عندى امتحان عشان اصلا مش هلاقي حد يقولى حطيلى هدوم الخروج في الغساله
وكمان مش هلاقي اسمك على تليفونى متاخر عشان حد يفتحلك باب الشقه من غير ما تخبط عشان بابا ميصحاش
الاغرب انى هلاقي ماما بتقولى شوفي رغم كل اللي كان عامله بس واحشنى اوي
وهلاقي بابا زعلان واقعد جنبه اقوله يعنى انتو كنتو حبايا اوى ولا هو اما كان هنا كنت عارف هو فين ولا كان قاعد جنبك هيقولى بس كان هنا اي وقت هيعوزنى هيلاقنى
مش قادره اتفرج على ميرنا وخليل بفتكرك وبضايق مش ناويه اكملها
مين هيصيف معانا
ومين هيسهرنا في الدي جي ويقول لبابا عادي يعنى هو احنا بنعمل ايه
محدش الا لو رجعت
وحشتني
الصوره حماده في شرم مع مجموعة سياح من احد الدول العربيه وهو الشاب القمر اللي عامل علامة النصر

احساس جميل

جرب تصلي الفجر وتقف في البلكونة او في الشباك مستني الدنيا تنور مستني يبان الخيط الابيض من الخيط الاسود هتحس ان الدنيا كلها سودا يعنى ظلام حالك زي ما بيقولو وبعدين تبدا تتدرج في الالوان لحد متنور كلها بلون ازرق سماوي صافي زي لوحة ميعرفش اي فنان يرسمها وشوف بقى ساعتها هتحس بأيه...............
سواء كنت في الصيف او في الشتا عز البرد او عز الحر هتحس بلسعة هوا باردة على خدودك وهتحس ان فيها رطوبه كدة بس هتحس انها بتدفيك متعر فش ازاي
هتحس بدمعه في عنيك مع الم بسيط في معدتك هتحس بفرحه في عقلك مع وخز بسيط في قلبك هتشوف قدامك كل الذكريات اللي بتحبهاوهتحس حاجه احلى هتحس ان كل اللى عدا واللي انت زعلان منه ما هو الا ليل طويل اسود وهيبا نله خيط ابيض مهو لازم ........
كمان هتلاقي ان كشاف النور ولمبة البلكونة اللي كانو منورين الشارع كله من دقايق مش باينين اساسا من نور ربنا فهتحس ان نور ربنا كبير اوي بينور الدنيا كلها فما بالك بربنا نفسه هينور كل ده ويسيب دنيتك انت مضلمه هتحس ان ممكن تعمل اي حاجه انت بتحبها او بتحلم بيها لو بس تقول يا رب
هتسمع صوت الديك بيادن معلنا بداية يوم جديد احسن من اللى فات.....
كمان هتندم انك بتصحى كل يوم من النوم في وقت متاخر وبضيع عليك كل المتعه دى لانك هتحس بطعم جديد للمتعه وهتتاكد ان المتعة مش بس بتيجى من شهواتنا سواء كانت على اكل او فلوس او دنيا او جنس هتلاقي متعه من الطبيعة كمان هتشم ريحة ورد وشجر بتتغلل جواك حتى لو مفيش حواليك اي زرع ...........
ساعتها هتحمد ربنا على كل حاجة وهتتاكد ان ده احسن وقت في اليوم وهتبقى مدمن كل يوم على حاجه غير لستة الادمان اللي عند كل حد فينا ....
قالي استاذ في الاعدادى ان عقل الانسان في الوقت دة بيستوعب اي حاجه والل بيذاكرة مش بينساه ونصنحني اذاكر في الوقت ده ....
اتمنى ان اسمع كلمة احبك في هذا الوقت حتى لا انساهاااااااااااااااااا .........

من غير عنوان

بقالي مدة مش عارفة اقول حاجة على مدونتى معرفش لية يعنى انا اصلا حبة انى اطلع فيها كل اللى مضايقنى ودية اكتر فترة انا محتاجها فية لكن لقيت نفسي ومعرفش لية ببعد عن المدونة وباخد قلم وبرجع اكتب في ورقة تانى استغربت اوى اية دة انا خايفة اوى كدة من ان حد يعرف اللى جوايا بس على فكرة هو الموضوع مش سهل ايوة هو الكتمان وغيرة ممكن يخلى الانسان ينفجر بس برده دة ميمنعش انى اما اقعد ادام حد وعينى في عينة وابدا احكيلو على حاجة دى صعبه جدا على كدة بالمنطق بتاعى دة يعتبر الدكتور النفساني مش هياكل عيش ............
المهم ان بقالي كذا شهر مستنية اطلع من الحالة اللى انا فيها ديه اكدب لو قلت ان الحاله دي وحشه انا مش تعبانه بس متلغبطه يعنى زى اللى كان متعود على حياه معينه وفي ثانيه ومن غير ما ياخدو رايه قررو يغيروها كلها يعنى مبسوطه وزعلانه مضايقه ومش مضايقه عندي وقت فرااااااغ كبير جدا وعندي حاجات كتييير جدا اعملها ومش بعمل حاجه حواليا ناس كتيير اوي ووحيده كم من التناقضات مش ممكن حاسه انى عايزة افضي دماغي خلاص ساعات اما بقعد افكر بيجلي صداع من غير حاجه عمر ما كانت دماغي فاضيه زي دلوقتى عمري ما فقدت سيطرتي على مشاعري ........... زي دلوقتي طول عمري مشاعري بيحكمها عقلي ومستحيل متسمعش كلامه الحقيقه ان اللى حاصلي ده غريب انت مش واحشني على فكره بجد وده مش تكبر منى انا كل مشكلتى انى واحشني الاحساس يعنى كنت بتخيلك مع كل اغنية حب دلوقتى اما بسمع اغنية حب بحس ان ملهاش لازمه عشان مفيش حد في دماغي وحتى اغنية الحزن اللى كنت بسمعها وانا زعلانه منك مش بسمعها ساعات بساال نفسي لية الحب اللي في الحقيقه مش زى اللى في التليفزيون ليه منكنش بنحب بعض والفراق حاجه مش ابدينا ليه حاجه بايدينا ليه انا قررت اني انهي كل حاجه بكل قدر ومن غير ما احس باي ذنب زهقت وايه يعنى يبقى انا مكنتش بحبك اصلا ده اللى انا بحاول اوصله لو مكنتش بحبك ليه كنت بقولك بحسك معقول كنت ابقى بقولها وانا مش حساها ولا هو فعلا البعيد عن العين بعيد عن القلب ولو كده لية بعدت عن عينى .................
نايمه على سريري الاوضه ضلمه وعينى في السقف الساعه من 2:30 ل 3:00 يوميا ده حالي اسئلة كتير جدا في عقلي تنتهي بنتهيده ونومه على جنبي اليمين وخلاص كل يوم كل يوم وكأنه واجب عليا ولازم اعمله .......
دمعه في عينى مش عايزه حد يشوفها حتى انا مش عايزه اشوف دمعة نفسي مش عايزه احط ايدي على خدي الاقي دمعه بسبك انا حره مش عايزه احس احساس القهر عشان انا مش مقهوره بس مش عارفه
حاسه بفراغ عجيب مش بعمل حاجه كل يوم شبه التانى عموما عندي شوية حاجات عايزه اقولها لناس غالين عليا
سلمى وحسام بعشق قصة حبكم وبكره التفاصيل حسام بيحبك ربنا يرزقنى بواحد زيه من غير تفاصيل عشان كده كتير بجد اللى انتو بتعملوه فيااااااااا!!!!!
نهله يخريبتك على الضحك الليبضحكه بسببك نونا بجد انا مقدرش اعيش من غيرك زاكري عشان خاطري...(اختى)
حد يصدق انى متابعه 3 مسلسلات 2 تركي وواحد اجنبي قمه في الرومانسيه عشان كده تعبانه نفسيا بسببهم لازم ابطل اتفرج على رومانسيه قلبي بيتخلع..
النت ده حاجه بشعه بيقوى الكدب عشان واحد قاعد ورا جهاز مستخبي فبيكدب كدب ياريت كفيانا كدب لو كل واحد راضي بحياته مش هيعوز يستخبى في شخصيه او في كلمه .
عجبني اوي شريط جنات حلو
زعلت انى اتغيرت بس انا اتغيرت ساعات بحس للاحسن قلبي قسي انا اسييه اصلا بس اسي زياده هي حاجه خطر معرفش.....
نوجا(ده انا)لومى(انتيمى)شيمو(انتيمى2) انتو احسن منهم عارفين هما مين وتستاهلو احسن من الناس التيييييييييت دي ومع بعض احسن من اى حد يا بنات....