الاثنين، 15 ديسمبر 2008

عيد ميلاد

اولا بجد المدونة وحشتنى من فترة وانا مش عايزة اكتب عليها اى حاجة ساعات تحس ان الحاجة الى انت بتعملها ليها قيمة اوى والكلمة اللى بتقولها صح اوى وساعات تحس ان كل اللى انت بتقولة عادى وانك مش عشان بتعرف تعبر شوية عن اللى جواك يبقى انت خلاص يعنى مواهبك فائقة هو دة بالظبط اللى انا حاسة بية دلوقتى انى عادية عادية عادية جدا بعد ما كنت بعرف افيد اصحابي فى اى مشكلةعندهم دلوقتى مشكلة بتاعة حد انا بحبة جدا والله عايزة اقولة ان مشكلتة بجد محيرانى اول مرة ابقى مش عارفة اقول راى مقنع ولا قادرة احل حاجة بجد انا اسفة عامة الكلام اللى انا كاتباة مش معناة انى مودى وحش بالعكس انا مودى كويس جدا عيد ميلادى السنة دى عملتة فى العيد يعنى قبل ميعادة بكام يوم بجد كان يوم جميل اوى وكان يوم كبير اوى حسيت ان الناس اللى بتحبنى اوى فرحانة بية اوى حسيت ان حياتى حلوة اوى باخواتى ومامتى وبابا واصحابي ان الدنيا مش وحشة اوى عرفت حاجة تانية انى بضحك كتير اوى بس الضحكة اللى من قلبي بجد مش بتطلع كتير بجد صحابي حسسونى ان عيد ميلادى طول الشهر يعنى كلهم معايا من اول الشهر بنحضر للعيد ميلاد وبعد العيد ميلاد عملولى احلى سياح على الفيس بوك وعلى الماسينجر وانهالت الرسايل على الموبايل واحدة صحبتى طلبت انى اكتب على العيد ميلاد على المدونة طلبت الطلب دة يوم العيد ميلاد باليل لكن بجد معرفتش مكنش ليا مزاج عامة عايزة اقول لكل واحدة منهم كلمة سلمى ربنا يخليكى ليا هديتك كانت جميلة اوى ووجودك فى حياتى هو اكبر هدية وطبعا انا خلاص مينفعش اعمل عيد ميلاد من غير تورتة جى جى نانسي انا عارفة انك بتحبيينى وهديتك كانت جميلة ومهمة اوى وانا بحبك اوى بس ووالنبي عشان خاطرى بطلى تتعصبي عليا وتستفزينى شيمو بجد انا اسفة انا كتير زمان فهمتك غلط وكنت دايما بقول ان انا وشيماء مش صحاب اوى بس عشان الجروب يفضل لازم نكون صحاب لكن عرفت دلوقتى انك من اهم الناس فى حياتى فهمتك عشان كدة عايزاكى متزعليش منى ابدا هاجر انا بحبك اوى مش لاقية كلام اقولهولك بس انا بحبك اما سلمى فى دى الوحيدة اللى انا بعتلها مسج بعد عيد ميلادى قولتها كلام كتير اوى اهم كلمة فية كانت ميرسي على وجودك فى حياتى نهلة اختى وبنتى وحبيبتى بجد يانونا كنتى زى القمر وانتى اصلا زى القمر ودايما يارب منورة حياتى كلها مؤمن اول حد كلمنى الساعة 12 تمام ميرسي يامومى مش ممكن انساك طبعا يامومى عشان انا بحب طبعك اوى ميرسي لكل اللى افتكر وبحبكو كلكو بحبك يا ماما اوى اوى اوى اوى اوى اوى

هناك 7 تعليقات:

Unknown يقول...

كل سنة وانتى طيبة وربنا يخليلك كل الناس اللى فى حياتك

غير معرف يقول...

اولا :
كل سنه واحنا كلنا مع بعض يا نوجا واللى احنا عملناه فى العيد ميلاد ده انتى عارفه انه اقل حاجه انتى مش اى حد ده انتى وجوتى.
ثانيا:
اديكى قولتى تورتة جيجي مش هديتى والهديه التانيه بتاعة دنيااما انا انا اوعى تكونى فاكره انى انا نسيتك او مش حجيبلك بس هى حتبقى متاخره شويه علشان هى مش بتاعة اى حد ديه لوجوتى حبيبتى وانا طلبت انها تتاخر علشان نفضل نحتفل بالعيد ميلاد وكانك بتتولدى كل يوم فى شهر 12.
عيد ميلادك يا نوجا حيفضل نحتفل بيه طول الشهر ولاخر يوم فى عمرنا.
كل سنه وانتى طيبه يا حبيبتى وربنا ميحرمنيش منك عمرى.
لومىىىىىىىىىىىى

NOGA ALEX يقول...

سلمى انا مقولتش انك مجبتيش هدية قولت انك جيبتى وهديتك هى وجودك فى حياتى انتى مش من النوع اللى يجيب هدية انتى هدية من ربنا اى حد يقول غير كدة يبقى ميعرفش احلى حاجة فى حياتى

NOGA ALEX يقول...

ميرسي يا انجى وانتى طيبة

غير معرف يقول...

kol sana w ente tyba ya noga w ana ma2darsh a3esh men 3`erek ente sa7bte w a5te el kebera w ele btfhemne el s7 men el 3`lat ana ba7bk awe
w ba7bko kolko w bgd a7la 7ga fe 7yate hwa ento yarab maye7rmna men b3d abdan mahma 7sal ba7b ya noga

محمود محمد حسن يقول...

انجي ، كالمعتاد متأخر دايماً ، اعذريني معلهش

كل سنة وانتي طيبة والسنة اللي جاية تحققي كل اللي بتحلمي بيه

تحياتي وكل سنة وانتي طيبة

NOGA ALEX يقول...

انجى، ههههههههههههههههههه اللى واخد عقلك العنوان غلط يا محمود