الاثنين، 29 ديسمبر 2008

صواريخ السنة الجديدة


اولا: طبعا كل سنه وكل الامة الاسلامية بخير بمناسبة راس السنة الهجرية ويارب السنة الهجرية الجديدة تكون حال الامه الاسلامية احسن من كدة نكون مسلمين اكتر نكون مؤمنين اكتر وربنا يصلح حال البلاد ويريح بال هذة الامه ...

ثانيا:كل سنة وكل الاخوة المسيحين بكل خير بمناسبة اعيادهم happy new year and merry christmas

ثالثا: كل سنة وكل اصحابي واهلى واخواتى مسلمين ومسيحين طيبين بمناسبة السنة الجديدة 2009 اتمنى تكون سنة سعيدة عليكو كلكو وتكون احلى من السنة اللى عدت انا بالنسبة ليا 2008 كانت حلوة اوى حصلتلى فيها حاجات كتير حلوة بدات حلوة وصيفت فيها احلى صيف وختمت باحلى عيد ميلاد وفى 2008 اتغيرت حياتى باضافة اجمل شئ عليها اتمنى ان السنة الجديدة بردة تكون سنة سعيد واما اتكلم عليها فى اخرها ملاقيش فيها اى احزان طبعا يوم راس السنة انا بحبة جدا وعشان كان المفروض انى معزومة يوم راس السنة على فرح لكن للاسف مش هروحة ومش هقدر احتفل براس السنة عشان عندى امتحانات اللهم الا ان اتنين من اصحابي هيجو يذاكرو معايا عشان كل البيت هيكون فى الفرح طبعا والله انا بالنسبة ليا دة احتفال وكدة مش هيبقى فاضل غير اننا نولع شوية صواريخ فى السما احتفالا بالسنة الجديدة لكى تتلون السماء باحلى الالوان وتمطر باحلى ما فى الوجود انها الماء سبب وجود الجميع ونقول جميعا مسلمين ومسيحين سنة خير علينا كلنا ايوة انا شايفة ان احتفال السنة الجديدة ولا هو حرام ولا هو مشاركة زى ما بيقول البعض بالعكس مناسبة تخص كل اهل مصر سواء مسلمين او مسيحين فالفئتين يودعون سنة جديدة بحلوها وبمرها ويبدأون سنة جديدة يأملون ان تكون سعيدة هو دة اللى كان بيحصل زمان وهو دة اللى المفروض يحصل لكن بعض التزمتات التى يخرجها البعض للتوقيع بين المسلمين والمسيحين لا اساس لها من الصحة طول عمرنا عايشين مسلمين ومسيحين اكتافانا تلامس اكتافهم وشوشنا فى وشوشهم وحدتنا تقتل اى حاقد يهودى او صهيونى اية اللى حصل جدي رحمة اللة كان اكتر حد صاحبة وزى اخوة مسيحي عمر ما كانت الديانة بتفرقنا زى الايام دى يعنى انا مقدرش اتخيل حياتى من غير حنان وليم مدرستى اللى ليها فضل عليا انا واختى فى كل حياتى العامة والخاصة واللى مقدرش اعيش من غيرها واللى اكلمت معاه كتير وعمري ما حسيت انها بتسايسنى زى مابيقولو ولا اي كلام فارغ بالعكس هي بتحبنى وانا عارفة كدة كويس ...

المهم عايزين نولع الصواريخ بقى الساعه اشرفت على الثانية عشر ....

الصاروخ الاول: فبل ما اولعة هقول ربنا يخليكى ليا يا ماما وبابا ونانسي وحمادةونونا اخواتى واحلى حاجة ربنا خلقهالي ربنا يخليكو ليا لو عملت اي حاجة زعلتكو من السنة اللى فاتت متزعلوش السنة الجاية هعمل اكتر(اه هو كده ان كان عاجبكم)

الصاروخ التاني:لك وحدك شخصية حياتي المجهوله وقبل ما اولعه هقول خليك معايا عشان انا محتاجه انك تكون معايا (لازم تحس ده لانك عارف اني هكسف اقوله)

الصاروخ التالت :وده هيكون لاهم حاجه فى حياتى اصحابي اللي يعني هقول اية مقدرش اعيش من غيركو (قديمه )بس هقول شيماء:وديني لو جيتي يوم الاربع تذاكري وجبتي العبري ده هتبقى مشكله هاتى اى ماده غير الزفت العبري ده والسيريانى اى ماد عربي بلاش التعاويذ اللي بتقريها دي تتقال في البيت عندي ...فاهمه

سلمى:معلش يا حبيبتي تعالي على نفسك وتنازلى وتكرمي وزاكري شوية انا عارفة انك منظمة اليوم بتاعك 24 ساعه بتنامي 12 تذاكري2 تريحي 10(ذاكري يا زفته وسيبي النت )

سلمى2: نفسي اشوفك يابت وحشتينى بس معلش انا عارفه انك مختفيه عشان بتدحي (ربنا معاكي)

هاجر ودنيا :ادعولونا ربنا يكرمنا وننجح ويكرمكو وتتجوزو

مؤمن وحسام :يعني ذاكر يا مؤمن ومش هيبقى فيها اي دبلرة زى ما بتقول

اة

صحيح

في صاروخ لثلاثة من المدونين بحب اسلوبهم وانا يعنى لو ممكن اقول عليهم اصحابي مش عارفه ينفع ولا لا بس هما

محمود محمد حسن :انا بشوفك احسن واحد عملت مدونه اسلوبك فوق الرائع بجد

انجي

حمادة زيدان :على فكرة عجبتنى مدونتك اوى (انت نفس دماغي بالمناسبة)

الصاروخ الاخير :ده هيكون ليا انا هولعه واغمض عيني واحلم بحاجات كتير مش هعرف اقولها حاجات ينفع احلم بيها وبس واتمنى انها تتحقق في السنة الجديد يارب..........

على فكرة انا اسفة لو طولت ولو كان كلامي مالوش اى لازمة


مدونتي حبيبتي منستكيش ده انا عزمت اصحابي وهنحتفل بميلاد سنه جديدة عندك عايزة اقولك 2008 راحت بكل مافيها 2009 ايه ياترى فيها اكيد وجودك جنبي احلى ما فيها....

هناك 9 تعليقات:

غير معرف يقول...

kol sana w enty tyba ya wgwty w ya rab el sana deh ashofek 3rosa
bs bardo 7ta lw etgwzty 7fdl aklmk 3al net el net dah asln m3mol 3lshana .
yom el 2rb3 b2a mosh 7wseky ok .
happy new year wgwty
ah sa7e7 kol sana w enty tyba ya a7la hola fe el donia bamot feky w ya rab 2009 tkony fe a7la kolya
mouaaaaaaaah
7bebtk lomyyyyyyyyyy

غير معرف يقول...

kol sana w ente tyba ya a7la wagwa fe el donia w kol sana w as7be kolhom tyben ba7bk ya noga w yarb el sana el gaya ttgweze ba2a 3lashan e7na 3wzen far7 w yom el arb3 mayenf3sh magebsh 3bre ente 3rfa en ana ma3ndesh 3`ero a3mel eh bs nasebe keda w nasebko tsta7melone 3lashan ento as7be happy new year ya wagwaaa 7bbtek shemooooooo

Unknown يقول...

اسمى طلع عندك
ههههههههههههههههههههه
كل سنة وانتى طيبة وحلوة الصواريخ دى مع انى بخاف منها يعنى...عاجبانى اوى علاقتك بصحابك ربنا يخليكوا لبعض ويخليلك عيلتك ويخليلك صاحب تانى صاروخ ايون حضرتك بتاع الشخصية المجهولة هو دة.......يللا سلام

محمود محمد حسن يقول...

متشكرين يا نوجا انك ادتيني صاروخ

متشكرين على كلامك الرقيق كالمعتاد ، وسنة جميلة عليكي وعلى كل حبايبك ،

سنة سعيدة

NOGA ALEX يقول...

سلمى:
اية رايك في المحشي بتاع امي
انا بداري على موضوع العروسة دة
شيماء:مش عشان انتو عايزين فرح تقومو تجوزونى انا وبعدين يا ستي ممكن نستحمل الزفت العبري بتاعك دة عشان انتى شوش بس (انتى عارفة يعنى اية شوش)

NOGA ALEX يقول...

انجي: ميرسي اوي ربنا يخليكى بس وشك افشتيني يعنى مش كلام يا شيخة الشخصيات المجهولة دى حاجة زفت
محمود:سنة حلوة عليك يا باشا

غني يابهيه يقول...

اول زياره
كل سنه وانتى واصحابك وصواريخك طيبيين

تحيات بهيه

NOGA ALEX يقول...

ياسيدي اهلا وسهلا ببهية
هو حد يطول الزيارة
وانت طيب ويارب 2009 سنة زى الفل علينا كلنا

medo يقول...

جميييييييييييييييل ربنا يسعدك ويحليلك ايامك وبجد nice moooot very very very very googبجد هايل طريقتك جميييييله وبتوصلي بسرعه قوي وسلسه وبتوصلي بسرعه وبتدخل قلبي على طول